Чирле балаларга шундый май да ярый дигәннәрдер инде...

Башкортстанның “Серафимовка балалар йорт-интернаты”нда тәрбияләнүче балаларга – билгеле булуынча, бу сабыйлар акыл ягыннан тайпылыш булган сабыйлар – ялган май ашатмакчы булганнар. Бу хакта республика Россельхознадзоры хәбәр итә.

Майны “Любимо” сәүдә йорты җитештергән. Белгечләр  балалар йортының складында сакланган майдан проба алганнар. Ул норматив документ таләпләренә якын да килмәгән. Тикшереүләр нәтиҗәсендә белгечләр: “Бу продукт акмай булып санала алмый”, дигәннәр. Һәм аны утильгә озатканнар.