Үз гаебен танымаган

Кулга алган мәлдә полицейскийлар ирнең өендә, гаражында, ГАЗ йөк машинасында 1,4 мең литр спиртлы продукция тапкан. Контрафакт 4,4 мең шешәләргә бүлеп салынган була. Кулга алынган партиянең бәясе - 340 мең сум.

Полицейскийлар ир – аны бутлегер диләр – шушы кырын эш белән 2017 елның сентябреннән алып шөгыльләнгән дип исәпли. Контрафакт аракыны ул Благовещен, Чакмагыш, Балтач районнарында, Агыйдел һәм Октябрьский шәһәрләрендә сатып яткан.

Иң аянычы – бутлегер үз гаебен танымаган. Аңа РФ Җинаять Кодексының 171.3 маддәсенең 1 часте буенча зур күләмдә штраф салырга мөмкиннәр. Сүз 2-3 миллион сум турында бара. Хәтта иң җитди санкция – 3 елга кадәр ирегеннән мәхрүм итсәләр дә, аптырыйсы түгел. Ялган аракы сатып, күпме кешенең гомерен, сәламәтлеген куркыныч астына куйган бутлегер тиешле җәзасын алырга тиеш.