Ташкын чоры иртә килә

Башкортстанда язгы ташкынның иң кызу чоры апрельнең өченче атнасында көтелә.

Фаразлар буенча, Башкортстан елгаларының иң югары язгы күтәрелеше апрельнең өченче атнасында 17-26 көннәрендә көтелә. Бу күпьеллык уртача күрсәткечләрдән 6-10 көнгә алданрак.

Уфа тирәсендә Агыйдел елгасының максималь язгы күтәрелеше 700-800 сантиметр. Караидел елгасы Шакша бистәсе янында 750-850 см, Дим елгасы Бочкарева авылы янында 570-670 сантиметрга кадәр күтәрелер дип көтелә. Апрель башына кар катламындагы су запаслары нормага якын, күп җирдә 25% ка кимрәк, ди белгечләр. Әмма 4-5 апрельдә яуган яңгырлар үз төзәтмәләрен кертәчәк әле.

Хәзерге вакытта Башкортстанның төп елгалары үз ярларында урнашкан. Язгы ташкынның ничек килүенә апрель аендагы явым-төшемнәр, көндезге һәм төнге температура тирбәлешләре йогынты ясаячак. Көчле яңгырлар нәтиҗәсендә, елгаларда су күтәрелү фаразланган күрсәткечләрдән күпкә аерылырга мөмкин.