“Балаларны бикле йортта калдырганнар”

ЧП 25 мартта шәхси йортта булган. Хөкүмәттә үткән оператив киңәшмәдә гадәттән тыш хәлләр буенча БР дәүләт комитеты җитәкчесе Фәрит Гомәров ике баланы йортта бикле калдырулары турында әйтте. Балаларның берсен – 4 яшьлеген ут чыккан йорт яныннан машинада үтеп баручы авылдашларның берсе коткарган. “Икенчесе - 2 яшьлек кыз бала утта янып үлгән. Әти-әниләргә зур үтенеч – балаларны, шундый аянычлы хәлләр килеп чыкмасын өчен, үзләрен генә караусыз калдырмагыз”, - диде Фәрит Гомәров.

Тикшерүчеләр янгын чыгу факты буенча җинаять эше кузгаткан.