Ишембай янында - авария

23 мартта Башкортстанның Ишембай районында Golden Dragon пассажир автобусы һәм Peugeot-307 җиңел автомобиле бәрелешкән. Авария вакытында автобус салонында 17 кеше булган. Зыян күрүчеләр бар.

Республика эчке эшләр министрлыгы мәгълүматлары буенча, Ишембайда яшәүче хатын-кыз җиңел автомобиль руле артында булган, ә автобус белән 48 яшьлек шофер идарә иткән. Медицина хезмәткәрләренә ярдәм сорап, «Пежо» пассажиры белән водителе һәм автобусның бер пассажиры мөрәҗәгать иткәннәр. Авариягә китергән сәбәпләр әлегә хәбәр ителми.