Барлык яңалыклар
Хәвеф-хәтәр
18 март 2020, 16:00

Караклар йоклап ятмый

Аларны чиновникларның күп акчасы кызыктыра

Ямал-Ненец автономияле округы губернаторы урынбасары Альбина Свинцованың Мәскәү янындагы Котельникидагы фатирына бурлар төшкән. Чиновник ханымның 200 мең евросын чәлдергәннәр, дип хәбәр итә ТАСС.
Караклар башта губернатор урынбасарының ире Юрий Свинцовны тукмаганнар, аннары 200 мең евроны алып, билгесез тарафларда югалганнар. Хәбәр итүләренчә, алар өчәү булган, барысы да коралланган.
Әлеге вакытта бу хәлнең нечкәлекләрен тикшерәләр. ЧП урынында хокук саклау органнары хезмәткәрләре эшли.
Моңа кадәр дә гыйнвар аенда билгесез адәмнәрнең Русия космонавты Олег Новицкийның фатирына кереп, 815 мең сум акчасын, 4 пар кыйммәтле сәгатен һәм травмат пистолетын урлап чыгулары турында хәбәр булган иде. Караклар йоклап ятмый, җәмәгать. Сак булырга кирәк.

Фото: Lenta.ru

Чыганак: Lenta.ru

Читайте нас в