Фаст-фудны өйдә ашаячаклар

Мәсәлән, Америка “Макдональдс”ларында хәзер залга иркенләп кереп утырып, бигмаклар, бәрәңге-фрешлар, биг-тейсти кебек ризыклар ашап, кока-кола ише эчемлекләр эчеп утырып булмый. “Макдональдс” җитәкчелегенең мондый тыюлары турында компаниянең сайтында язылган.

Хәзер клиентлар фаст-фудны сатып алып, үзләре белән генә алып китә ала. Моннан тыш, балалар өчен уен залларын да ябачаклар икән.

Ә Русиядә “Макдональдс”лар әлегә элекке режимда эшли. Дөрес, профилактика кысаларында хезмәткәрләрнең температурасын даими үлчәп тору өчен 5 мең градусник, 9 мең литр антисептик сатып алганнар. Соңгылары касса һәм заказлар бирү зонасында урнашкан. Аңардан теләге булган һәркем файдалана ала.