Полицейский зират янында машинада янып үлгән

“Вести”га хокук саклау органнарындагы чыганак әйтүенчә, машина хуҗасының мәете алгы утыргычта булган. Мәрхүм ир ЮХХДИ хезмәткәре булып эшләгән. Ирнең 3 баласы ятим калган.

– Бүген безнең арабыздан чын кеше китте. Ул батыр, көчле һәм акыллы егет, дөнья тоткасы иде. Яхшылардан яхшысы, ул беркайчан да бәладә ташламый, аңа һәрчак таянырга була иде. Коточкыч югалту, — дип язалар мәрхүм турында социаль челтәрләрдә якыннары.

БР буенча ЭЭМның матбугат хезмәтендә машинаның яну сәбәбен двигателе кызуы белән бәйлиләр.

— Хезмәткәр ялда булган. Әлеге вакытта БР буенча ЭЭМ тарафыннан бу хезмәт тикшерүе билгеләнгән. Фаҗиганең нечкәлекләре ачыклана, — диләр ведомствода.