“Артек”та үлгән

“Артек” халыкара балалар лагеренда ял итүче Махачкала кызын иртән караватында...үлгән килеш тапканнар. 15 яшьлек кыз кичтән йокларга яткан да... иртән уянмаган.

Русиянең Кырым һәм Севастополь буенча Тикшерү комитетыннан хәбәр итүләренчә, бу вакыйга уңаеннан җинаять эше ачылган.

Былтыр Санкт-Петербург шәһәреннән килгән 12 яшьлек малай да “Артек”та ял иткәндә якты дөнья белән хушлашкан булган. Аны пневмония белән ашыгыч рәвештә дәваханәгә алып китәләр, әмма малай берничә сәгатьтән җан тәслим кыла.