Барлык яңалыклар
Хәвеф-хәтәр
25 октябрь 2019, 12:26

Авариядә 4 пассажир җәрәхәтләнгән

ВАЗ-2115 һәм “Шевроле Круз” автомобильләре бәрелешкән.

Кичә Дүртөйле трассасында Дүртөйле-Суккул юлының 30-нчы километрында үлемечле юл һәлакәте теркәлгән. ВАЗ-2115 һәм “Шевроле Круз” автомобильләре капма-каршы килеп, бәрелешкән. Беренче машина руле артында 29 яшьлек ир була, иномарка белән 38 яшьлек уфалы ханым идарә иткән.


Гадәттән тыш хәлләр министрлыгының Башкортстан буенча идарәсенең матбугат хезмәтеннән хәбәр итүләренчә, авария урынына тиз арада коткаручылар, медиклар, дәүләт автоинспекторлары килеп җиткән.


Төбәкнең ЮХХДИ хәбәр итүенчә, ВАЗ-2115нең водителе ДТП урынында ук үлгән, аның 4 пассажиры - хастаханәдә. “Шевроле”дагы 12 яшьлек малай да дәваханәгә озатылган.


Юл полицейскийлары авариянең сәбәпләрен ачыклый. Вакыйга - Гадәттән тыш хәлләр министрлыгының Башкортстан буенча Баш идарәсе контролендә.


ВАЗ-2115нең тагы бер 34 яшьлек пассажиры юл һәлакәтендә алган авыр тән җәрәхәтләреннән төнлә якты дөнья белән хушлашкан. Әлеге вакытта дәваханәдә төрле дәрәҗәдәге травмалар белән 4 кеше ята.




Читайте нас в