Күршесе гомерен саклап калган

Күп катлы йортның дүртенче катында тәрәзәдән бер хатынкай икенчесен кулыннан тотып, егылып төшүдән сакларга тырышкан. Ул хатын ычкынып китәрлек булып тәрәзәдә нәрсә эшләде икән? Бәлки, үрелеп урамнан берәрсен карагандыр? Бәлки, тәрәзә югандыр. Монысын хәзер ачыклыйлар.

Ничек кенә булмасын, хатыннарның берсе ни сәбәпледер тәрәзәдән ычкынып, аска оча язган, бәхеткә каршы, икенчесе – күршесе – тегене кулыннан эләктереп калырга өлгергән. Өлгергән һәм бар көченә кычкырып, кешеләрне ярдәмгә чакырган. Ләкин ярдәм килгәнче аңа 20 минут күршесен кулыннан эләктереп, күтәреп торырга туры килгән!

Бу тавышны ишетүчеләр йөгереп кереп, “очучы” хатынны кире фатирына сөйрәп алырга ярдәм иткән. Шулай, җәмәгать, гомерең бетмәсә, яшисең. Бетсә, күркә талаганнан да җан тәслим кыласың.