-4 °С
Болытлы
Барлык яңалыклар
Хәвеф-хәтәр
9 октябрь 2019, 11:45
Тәҗрибәсез водитель Уфада 5 яшьлек малайны таптаган
"Күз алдымда булды бу авария. Һаман елыйм да елыйм, туктый алмыйм..."
Узган якшәмбедә кичкә таба Сипайловода 5 яшьлек малайны машина таптаган. Социаль челтәрләрдә юл һәлакәтенең Королёв урамында булуы хәбәр ителә.
"Күз алдымда булды бу хәл. Ашыгыч ярдәмне үзем чакырттым. Бу бик куркыныч! Үксеп елыйм, туктый алмыйм. Кечкенә малай! Ерак түгел ирләр тора иде. Алар малайны машина астыннан чыгарды. Руль артындагы ханым кайгысыннан агарынып каткан иде. Ул тормозга басып өлгермәгән. Машинада хатынның 14 яшьлек кызы да бар иде. Ничек яшәргә инде хәзер?.. Ирләр сабыйны машина астыннан чыгарган коточкыч момент күз алдында тора", - дип яза һәлакәт шаһиты.
ЮХХДИ хезмәткәрләре фикеренчә, водитель туктап өлгерә алыр иде. Тик тәҗрибәсе аз булганга күрә, югалып калган. Ә якында яшәүчеләр исә баланы алда күрү читен булуын әйтә, чөнки биредә тротуарлар тар.
Шаһит хатын сөйләвенчә, нәни малайны ашыгыч ярдәм алып киткәндә ул әле аңында булган, ләкин дәваханәдә үлгән.
Социаль челтәрләрне кулланучылар малайның әти-әнисенә түземлек һәм сабырлык телиләр.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56