+1 °С
Ачык
Барлык яңалыклар
Хәвеф-хәтәр
8 октябрь 2019, 13:21
Ирен сөендерү өчен яңа туган баланы урлаган
41 яшьлек хатын бала табу йортыннан сабый белән чыгып барганда, баланың үз әтисе очрап, аны кулыннан тартып алган.
41 яшьлек хатын бала табу йортыннан сабый белән чыгып барганда, баланың үз әтисе очрап, аны кулыннан тартып алган.
2 октябрь көнне Кемерево шәһәрендә була бу хәл. Бер хатын, бала табу йортында бала үзе генә яткан палатага кереп, аны күтәреп чыгып китә.
Берничә минуттан бүлмәсенә кергән ана баласы югалганын күргәч, иң беренче иренә шалтыратып әйтә. Ә иптәше бу минутларда аларны күрергә килгән икән - машинасын парковкага куйган чагы булган. Бала табу йорты капкасыннан сабыен курткага төреп, йөгерә-атлый чыгып баручы хатынны күреп калган. Ирнең, әллә чыннан да, ата инстинкты уянды микән инде, ул бу хатын янына йөгереп барып, кулыннан баланы тартып алган. Ә карак, аны-моны карамый, шундук күздән югалган. Соңрак аны полиция хезмәткәрләре үзе яшәгән Ленин-Кузнецк автовокзалында кулга алганнар.
Хатын дөресен сөйләп биргән. "Малай таптым дип, иремне сөендерергә теләдем",- дигән. Югыйсә, моңа кадәр ул аны авырлымын, дип алдап яшәгән. Бала табу вакыты җитте дип, Кемерово шәһәренә юлланган. Моннан исә "малай туды!" дәгән "шатлыклы" хәбәрне сөйгәненә телефон аша җиткергән. Менә шул ният белән кеше бәхетен урлап, үзенекен төземәкче булган.
Хатынга хәзер психиатр тикшеренүе үтәсе бар. РФның Җинаять җәзалары кодексы буенча, балигъ булмаган балаларны урлау өчен 12 елга кадәр иректән мәхрүм итү каралган.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56