Тәмәкеләрен сүндермәгәннәр...

4 сентябрьдә Илеш районының Югары Яркәй авылында шәхси йортта яшәүче 36 яшьлек ир гомере утта өзелә. Ә 2 сентябрьдә Бакалы районының Яңа Әгъбәз авылында сүндерелмәгән тәмәке төпчегеннән йортка ут каба. Анда 40 яшьтәге ир тереләй янып үлә.

БР Гадәттән тыш хәлләр буенча дәүләт комитетында хәбәр итүләренчә, янгыннарның сәбәбе – тәмәке тартканда ут белән саксыз кылану. Иң еш очраган күренеш – урын-җирдә ятып тәмәке тарту. Тәмәке тарткан кеше йоклап китә, тәмәке постельгә төшә һәм янгын чыга.