Бала тудыру йорты урынына моргка…

Иркутск өлкәсендә йөкле хатынның һәлак булуында «Ашыгыч ярдәм» машина йөртүчесе гаепләнә. Хокук сакчылары билгеләвенчә, 54 яшьлек шофер руль артына исерек килеш утырган. Нәтиҗәдә, бәби тудырырга хастаханәгә баручы 40 яшьлек хатын һәлак булган. «Ашыгыч ярдәм» машинасы әйләнгәнлектән, булачак әни, бик күп җәрәхәтләр алып, шунда ук җан бирә. Кабинадагы фельдшерның сәламәтлегенә дә зыян килә, дип яза Tatar Today.