Бер фатирда өч мәет табылган

Мәләвез шәһәрендәге фатирларның берсендә полиция хезмәткәрләре өч ир-атның мәетенә юлыккан.

Фатирда наркотик матдәләр әзерләү өчен корылмалар да табылган. Фаразлануынча, әлеге ир-егетләрнең артык доза кулланудан үлүләре ихтимал.

"Тикшерү комитеты органнары тарафыннан тикшерү, суд-медицина экспертизасы үткәрелә. Якынча мәгълүматлар буенча, криминал характердагы билгеләр табылмаган", - диләр Башкортстанның Тикшерү комитетыннан.