Бик каты исерек булган

Кичә көндез Әбҗәлил районында кибет янындагы парковкада билгесез бер водитель велосипедтагы 8 яшьлек бала өстенә менә. Шунда ук авария урыныннан кача. Тиз арада аны эзләүгә бирәләр.

БР буенча ЮХХДИнең матбугат хезмәтендә хәбәр итүләренчә, юл полицейскийлары оператив рәвештә авария ясаучыны ачыклый һәм кулга ала. Ул – 26 яшьлек хатын-кыз. Беренчел мәгълүматлар буенча, юл вакыйгасы вакытында ул бик каты исерек булган. 14 модельле ВАЗ автомобиле рулендә ул 8 яшьлек бала өстенә менә дә вакыйга урыныннан кача. Малай төрле дәрәҗәдәге тән җәрәхәтләре ала, аны дәваханәгә озаталар.