Руль артында йоклап киткән

Кичә, 4 майда, республиканың Баймак районы Магнитогорск-Ира трассасында “Субару Форестер” машинасы ауган. Автомобиль салонында 5 кеше була, алар арасында 1 яшьлек игезәкләр дә була.

ЮХХДИ матбугат хезмәтендә сөйләүләренчә, иномарка белән Ырынбурда яшәүче 22 яшьлек ир идарә итә. Водитель сүзләре буенча, ул рульдә килеш йоклап китә, һәм машина кюветка төшә. Кюветка төшкәч, машина ава. Водительнең 45 һәм 46 яшьләрдәге әти-әнисе төрле тән җәрәхәтләре белән дәваханәгә озатылган, табиблар шулай ук игезәк балаларның сәламәтлеген дә тикшерә.