Тагын бер егетебезне югалттык...

Якташ егетләребезнең чит җирләрдә, чит төбәкләрдә армия хезмәтеннән туган якларга исән-сау әйләнеп кайтуы – зур бәхет. Кызганычка каршы, газиз улларын көтеп ала алмаган әти-әниләр дә бар.

Шушы көннәрдә республикага күңелсез хәбәр килеп җитте – 14 апрель көнне Липецк янында хәрби аэродром территориясендә 22 яшьлек солдат-срочник һәлак булган. Кызганычка каршы, солдат егет АКС автоматыннан атылып үлгән дигән фараз бар. РФ тикшерү комитетының хәрби тикшерү идарәсе бу җәһәттән бернинди комментарий дә бирмәгән.

Моңа кадәр 7 апрельдә Приморье краенда да бер егетебез һәлак булган иде. Аяныч, бик аяныч...