Халыкны ниләр борчый?

Башкортстан Хөкүмәте утырышында төбәк Премьер-министры вазыйфаларын башкаручы Александр Шельдяев җитәкчелегендә социаль челтәрләрнең һәм халык мөрәҗәгатьләренең атналык мониторингы нәтиҗәләре турында фикер алыштылар.

2026 елның 28 сентябреннән 4 октябренә кадәр Башкортстанның «Инцидент-менеджмент» мәгълүмат системасы һәм кире элемтә платформасы 4 679 хәбәр теркәгән. Бу алдагы атнага караганда 247 гә кимрәк, узган елның шул ук чоры күрсәткеченнән 6 325 кә кимрәк (11 004). Башкортстан Республикасы Башлыгының социаль коммуникацияләр буенча идарәсе башлыгы Елена Прочаковская торак-коммуналь хуҗалык темасының беренче урында булуын хәбәр итте -1 266 мөрәҗәгать. Барыннан да бигрәк – җылыту сыйфаты, салкын һәм/яки кайнар су булмау, торак-коммуналь хезмәтләр өчен түләү һәм су белән тәэмин итү системасындагы аварияләр буенча. Барысыннан да күбрәк Уфа, Белорет районы һәм Нефтекама халкы язган.

Юллар-икенче урында, 786 хәбәр. Нигездә юлларны, чокырларны ремонтлау, грунтлы юлларны карап тоту, юлларны яктырту һәм төзү буенча мөрәҗәгатьләр булган. Иң күбе - Уфа, Стәрлетамак һәм Салават халкыннан.

Төзекләндерү темасы - өченче урында, барлыгы 702 хәбәр. Халык яшеллекләрне карап тоту, яктырту булмау, җәмәгать урыннарын төзекләндерү, аларны чүп-чардан, яфраклардан чистарту, парковкалар оештыру буенча мөрәҗәгать иткән. Ешрак Уфа, Октябрьский һәм Салават кешеләре язганнар.

Узган атнада хәбәрләр саны буенча ТОП-10 темага шулай ук сәламәтлек саклау, мәгариф, социаль хезмәт күрсәтү, калдыклар белән эш итү, җәмәгать транспорты, куркынычсызлык, хәрби хезмәт кергән.