«Патриот» динамик үсештә

28 августта Башкортстан Башлыгы Радий Хәбиров Русия Герое Максим Серафимов исемендәге «Патриот» хәрби-патриотик паркында булды. Төбәк җитәкчесе территориянең үсеше белән танышты һәм үткәреләсе вакыйгалар турында фикер алышты.

«Патриот» паркының генераль директоры Айнур Сәлимгәрәев матди-техник базаны ныгыту турында сөйләде.

Исегезгә төшерәбез, 2026 елның август башында мәйданчыкларның берсендә укыту-күнекмә һава-десант комплексы һәм Советлар Союзы Герое Василий Маргелов бюсты ачылды. Моннан тыш, төзүчеләр бассейнлы заманча спорт комплексын һәм рухи-агарту үзәген төзүне дәвам итәләр.

Техник парк та киңәйтелә. Сүз «Патриот» территориясе буенча төрле йөкләр ташу өчен электр транспорты сатып алу, шулай ук хәрби техниканың ачык экспозициясен тулыландыру турында бара.

Вакыйгалар көн тәртибендә күп санлы чаралар уздыру каралган. Бүгенге көннән алып 9 сентябрьгә кадәр «Патриот» паркы «Экологик иминлек» милли проекты кысаларында уза торган «ГеоВызов»IV Халыкара геологик чемпионатында катнашучыларны кабул итә. Ярышларга Русиянең 19 төбәгеннән һәм дөньяның 13 иленнән 300дән артык студент җыелды.

Башкортстан Башлыгы территориянең динамик үсешен билгеләп үтте. Шулай ук «Патриот» паркына курсантларга күрсәтү өчен Совет һәм Русия коралының макет үрнәкләрен тапшырды.