Башкортстанда 10 августка вәзгыять

Бүген, 10 августта, эфирның төп темасы  төбәктәге давыл нәтиҗәләрен бетерүгә багышланды. Студиядә Башкортстан Республикасы торак - коммуналь хуҗалык министры урынбасары Сергей Плотников һәм Башкортстан электр челтәре компаниясенең җәмәгатьчелек белән элемтә бүлеге башлыгы Марат Бикбаев. 

- Башкортстанда ягулык белән бәйле хәлләр торышы нинди?

- БПЛА һөҗүме куркынычы булуга карамастан, вәзгыять тигезләнә, кичкә бензовозлар заправкаларда булачак. 

-Давыл районнардагы вәзгыятькә ничек тәэсир итте?

-Хезмәтләр штатлы эшләде. Территорияләр өчен җаваплы оешмалар да яхшы эшләде. Урыны белән яңгыр сулары ташу күзәтелде, шулай ук күпфатирлы йортның 100 квадрат метр чамасы мәйданда түбәсе кубуы теркәлде. 

-Давылдан соң электр энергиясе белән хәлләр ничек тора?

-Берничә районда күк күкрәгән вакытта ут сүнде. Хәл-вакыйгалар торышы катлаулы, ләкин контрольдә тотыла. Бөтен система штатлы эшләде. Бары тик 11 очракта гына тышкы йогынты аркасында электр энергиясе сүндерелде - нигездә электр чыбыкларының чуалуы, ботакларның сынып төшүе аркасында. 

-Салават районында универмаг түбәсен җил алып ташлаган?

-Биредә территория җыештырылган инде, ремонт бригадасы тиздән килеп җитәчәк. Гомумән, район буенча зур зыян юк, локаль рәвештә түбәне Малоязда гына алып киткән. 

-Давыл вакытында туристларга нишләргә?

-Куркынычсызлык чараларын үтәргә, агачлар астына качмаска кирәк. Салават районында давыл вакытында йәзү төркемнәре арасында бернинди һәлакәтләр дә булмады. 

-Стихия аркасында яктылык өзелгәндә, халыкка нишләргә?

-Халыкка 112 номерына яки диспетчерлык хезмәтенә сигнал бирергә кирәк. 

-Ә электр челтәре компанияләре алдан ничек эшли?

-Яшенле чорга әзерлек чаралары комплексы бар. Бөтен автоматика тикшерелә, сезон башына челтәрләр әзерләнеп килә. Мәсәлән, кичә автоматика 79 сүндерүне булдырмый калды.

-Ә Уфа турында ни әйтерсез? Ни өчен кайбер территорияләрне су баскан?

-Мизгелдә бик зур күләмдә су төште, ваннадагы сыман принцип эшләде. Су акрынлап китә, шуннан соң коммуналь хезмәтләр  чүп-чар һәм ком җыюга чыга. Шул ук вакытта шәһәрнең югары өлешендә ливневкалар үз бурычын үти алды. Әгәр Сез су баскан җирләрне күрсәгез - шәһәр буйлап йөрмәвегез яхшырак, су баскан җирләрне урап узу яхшырак. Мондый көчле яңгырларда ливневкалар суны үткәреп өлгерә алмый, өстәвенә алар көчле җил вакытында коелган яфраклар белән чүпләнәләр. 

-Су басу челтәр җиһазлары өчен ни дәрәҗәдә куркыныч?

-Кабельләрнең 90% ы җир астында ята. Шәһәрдә кисәтүсез җир казучы "кара казучылар" зур куркыныч тудыра. Бу кабельләргә зыян китерергә мөмкин, шулай ук гомер өчен куркыныч тудыра.

-СНТ да электр белән тәэмин итү буенча эшләр ничек?

-Нигездә электр белән тәэмин итү СНТ балансында тора, аларны куллану белән ширкәт үзе шөгыльләнә. Ягъни челтәр өзелгән очракта барысы да бакчачыларның үзләре төзәттерә.

-Ауган агачлар өчен кем җаваплы?

-Әгәр милекче агач аву вакытында зыян күргән икән, аңа ГАИ чакыртырга, вакыйганы теркәтергә һәм алга таба җаваплы оешмага мөрәҗәгать итәргә кирәк. 

-Агачлар ник ава?

-Визуаль яктан барлык агачлар да тере. Ләкин кечкенә генә куыш яки ярык булса, ул чынлыкта сәламәт түгел булып чыга. Көчле җил булганда ул ава. 

-Агачлар чыбыкларны өзгәндә, Уфада ниләр була?

-Тышкы чыбыклар, кагыйдә буларак, "Уфагорсвет"ка карый. Предприятие белгечләре зарарланган участокта утны торгызу буенча оператив чаралар күрә. Әлбәттә, агач вакыйга урыныннан алып ташлана.