27 июльгә ягулык белән хәлләр торышы

БСТ телеканалында Башкортстанның ягулык базарындагы хәл-вакыйгалар торышы буенча көндәлек брифинглар сериясе дәвам итә, аларда без төбәк юлларындагы һәм ягулык салу станцияләрендәге вәзгыятьне күзәтәбез. 

Республика оперштабының эше актив дәвам итә, ул тәүлек буе ягулык салу станцияләрендәге чиратларны һәм аларда бензин булуын күзәтеп тора. Хәзерге вакытта хәлләр торышы ничек? 

Мәсьәлә буенча БСТ телеканалына тармакның әйдәп баручы экспертлары чакырылган иде. Студия кунагы - Башкортстан Республикасы сәнәгать, энергетика һәм инновацияләр министры урынбасары Эдуард Мостафин.

Министр урынбасары белдерүенчә, Башкортстанда оперштаб ялларсыз эшләгән. Вәзгыять катлаулы, әмма контрольдә тотыла, идарә ителә торган режимда кала. Моннан тыш, аномаль эсселек булды, районнар һәм Уфа буенча йөкләнешне дөрес бүләргә кирәк иде. Эре нефть компанияләре хакимияткә бу эштә ярдәм иткән. "Кызыл зоналар" да булган, өстәвенә, шимбә көнне "пилотсыз аппаратлар куркынычы" игълан ителде. 22 муниципалитетта ашыгыч хезмәтләр өчен генә ягулык калган. Аннары аларның саны 10 районга кадәр кимегән. Уфада соңгы көннәрдә иң түбән чиратлар күзәтелгән - 300дән артык машина, ә узган ялларда алар меңнән артык булган. 

Күмертауда исә чиратның берничә километрга тезелүенең сәбәбе - форс-мажор хәл дип аңлатты Эдуард Мостафин. Анда бензин ташу машинасы барып җитмәгән.

Бензовоз килмәгәндә нәрсә була? Ягулык белән тәэмин итүчеләр белән тәүлек әйләнәсендә элемтәдә торалар. Оператив штаб проблемалы зоналарны күрә, тәэмин итүчеләр бу мәгълүматларга оператив җавап бирә. Шул ук вакытта логистика нечкәлекләрен турыдан-туры тәэмин итүчеләр билгели. 

"Лукойл" заправкалары эшли башлаган. Башкортстанда бу компаниянең 60 заправкасының 42-дән 52-гә кадәре эшли. Калганнары планлы ремонтка ябылган. 

Стәрлетамакта 26 бензин заправкасының унысында бензин бар. Җирле хакимият вәзгыятьне яхшырту өчен кайбер чаралар күргән, ягулык кирәк булган коммуналь хезмәтләр автомобильләре исемлеге төзелгән. Моннан тыш, канистрларны саклау белән бәйле янгын куркынычы булган хәлгә юл куймау максатыннан бакчаларга рейдлар үткәрелә. Уртача чират - 70-тән 120 машинага кадәр, көтү вакыты - 2 сәгать тирәсе. Төп кыенлык - шәһәрдә берничә заправканың планлы модернизация үткәрелүендә. Алар "Лукойл"ның - ике, "Газпром"ның бер заправкасы.

Район һәм шәһәр башлыкларына ягулык салу станцияләрендәге канистраларны контрольдә тотарга киңәш бирелгән. Алар хәл-вакыйгаларны контрольдә тоталар, шул исәптән ягулык булу-булмавын да. Стәрлетамакта хәлләр торышы бик начар түгел. 

Ягулык салу бер генә булган районнарда яшәүчеләргә нишләргә! дигән сорауга министр урынбасары вәзгыять катлаулы дип белдерде, әмма хакимият даими рәвештә халыкны ягулык белән тәэмин итү өчен эре предприятие белән сөйләшүләр алып бара. Мәсәлән, мондый хәл Мишкә районы белән була. 

Стәрлебашта 4 көн бензин булмаган . "Әгәр Оперштаб бензинның 4 көн булмавын ачыкласа, чаралар күреләчәк",- диде Эдуард Мостафин. 

Салаватта ягулык кайчан барлыкка киләчәк? Бу агломерация буенча вәзгыять шундый: бирегә ягулык китерүче эре оператор аны җирле заводтан ташымый. Шуңа күрә ягулык тиз бетә, ләкин чаралар тиз кабул ителә. 

Ни өчен Иске Балтачта соңгы тапкыр 23 июльдә бензин булган? Кичәге көнгә кадәр районда бензин булган. Бүген анда бензовоз барырга тиеш. 

Барлык колонкаларның да эшләмәү сәбәпләрен ачыклаганда, алар вакыт-вакыт техник хезмәт күрсәтүгә туктый икән. Бер станцияле районнарда да колонкалар ватылган хәлләр булгалый, ләкин алар берничә сәгать эчендә ремонтлана. 

Эсселек заправкалар эшенә йогынты ясамый, алар эш режимында эшли. Әмма хәлләр төрлечә булырга мөмкин, әгәр "профилактика" сүзен күрсәгез - моңа аңлап карагыз, диде министр урынбасары.

 

"Башньюс".