Андрей Назаров «Рәхәттә» V Халыкара сәламәтлек һәм туризм форумында булды

Башкортстан Хөкүмәте Премьер-министры Андрей Назаров сәламәтләндерү туризмын заманча сәяхәтләр индустриясенең мөһим юнәлешләренең берсе дип атады. Бу хакта ул Уфаның «Кашкадан» паркында уза торган «Рәхәттә» V Халыкара сәламәтлек һәм туризм форумында әйтте.

Быел форумның төп идеясе-ял ватандашлар тарафыннан ешрак урын алыштыру гына түгел, ә көчләрне торгызу, профилактика һәм үзең турында кайгырту ысулы буларак кабул ителә. Форум программасында: һөнәрчеләр һәм халык сәнгать кәсепчелеге күргәзмәсе, «ГастроРәхәт» гастрофестивале, мунча шәһәрчеге, спорт мәйданчыклары, балалар теннис турниры, экспертлар очрашулары һәм сәламәтләндерү хезмәтләре индустриясендә һөнәри стандартлар турында фикер алышу. Андрей Назаров сүзләренчә, туризмда кешеләрнең ихтыяҗы үзгәрә.

- Дөнья чын веллнесс-бум кичерә. Аның нигезендә профилактикага, торгызуга һәм эчке гармониягә актив сорау ята. Русия туристларының 60 проценттан артыгы бүген сәфәрне үзләренең физик һәм менталь иминлегенә инвестиция буларак карый, - дип ассызыклады спикер.

Премьер-министр сүзләренчә, Башкортстан бу өлкәдә табигый мираска, этномәдәни традицияләргә һәм медицина потенциалына таяна.

Фото: БР Хөкүмәте рәсми порталы.