Янгын куркынычы сезоны ачылды

Бүгеннән Башкортстан Республикасының урман фондында янгын куркынычы сезоны ачылды.

Белорет (0,5 гектар мәйданда) һәм Зилаир (0,3 гектар мәйданда) урманчылыкларында беренче янгын чыганаклары теркәлгән инде. Урман янгыннарын сүндерүдә ведомствоның урман янгыннары формированиеләре белгечләре эшли. Вәзгыять контрольдә. Урманнарда янгын куркынычсызлыгы кагыйдәләрен үтәгез һәм урманнарда яки урман янәшәсендәге кишәрлекләрдә төтен чыгу очрагында 8-347-218-14-14 телефоны буенча Урман хуҗалыгы министрлыгының төбәк диспетчерлыгына шалтыратыгыз.

БР Урман хуҗалыгы министрлыгы матбугат хезмәте

Фото: Наил Зарипов