Үзеңнекенә җитәме соң?..

WhatsAppтан МАХка күченәбез...

Русиядә WhatsApp * мессенджерына карата чикләү чараларын этаплап кертү дәвам итә. Роскомнадзор хәбәр иткәнчә, бу мессенджер Русия законнарын бозуын дәвам итә, ул ил территориясендә террорчылык гамәлләрен оештыру һәм уздыру өчен кулланыла. Ведомство русиялеләргә милли сервисларга күчәргә киңәш итә. Илебезнең санлы куркынычсызлыгын тәэмин итү өчен Русия мессенджеры МАХны булдыру мөһим адым булды.

Популяр интернет-сервисларның өстенлекләре һәм кимчелекләре турында «БР» журналисты белән әңгәмәдә Башкортстан Республикасы дәүләт идарәсенең Санлы үсеш министры урынбасары Динар Шәрәфетдинов сөйләде. – WhatsApp* һәм Telegram-мессенджерлар популяр һәм күптән күнеккән. Аларны куллануның куркынычы нәрсәдән гыйбарәт соң?

– Чит ил мессенджерларын аралашу яки сизгер мәгълүмат тапшыру өчен куркынычсыз булмаган дип билгеләүче берничә фактор бар. Беренчедән, бу аларның Русия Федерациясендә урнашкан серверларда Русия кулланучыларының барлык мәгълүматларын локальләштерергә тиешле шәхси мәгълүматлар турындагы Федераль законнарны үтәмәве.

Икенчедән, хокук саклау органнары мәгълүматлары буенча, җинаятьчеләр әлеге мессенджерларны мошенниклык гамәлләре башкарганда актив куллана. Бу платформаларда аккаунтларны ялган номерларга, чит ил SIM-карталарына, шәхесне раслауга аерым таләпләрсез булдырырга мөмкин, бу аларны җинаятьчел максатларда куллануга ярдәм итә

- МАХ милли мессенджерының өстенлекләре нәрсәдә?

- МАХ - йөз процентка Россия эшләнмәсе. Ул Русия серверларын һәм саклану системаларын куллана, бу мәгълүматлар таралу куркынычын киметә һәм кануннар таләпләренә туры килә. РФ Цифрлы үсеш, элемтә һәм массакүләм коммуникацияләр министры белдерүләре буенча, VK дан MAX милли мессенджеры үзенең база функциональлеге буенча чит ил көндәшләреннән калышмый.

МАХ инде дәүләт сервислары белән интеграцияләнә, хәзерге вакытта кушымта «Госключ» белән интеграцияләнгән, цифрлы ID булдыру, барлык А+ авторлары өчен, шулай ук дәүләт органнары һәм бюджет учреждениеләре өчен каналлар булдыру мөмкинлеге җибәрелгән. МАХНЫ дәүләт хезмәтләре һәм башка цифрлы сервислар белән интеграцияләү «мәгълүмат алмашуның күпфункцияле сервисын булдыру һәм Россия Федерациясенең аерым закон актларына үзгәрешләр кертү турында» Федераль законда каралган (№ 156-ФЗ, 24.06.2025 ел).

Фото: kalin.cap.ru