Илнең Кораллы Көчләре резервына ничек керергә?

Русиядә Кораллы Көчләр резервына керү шартлары турында искә төшерделәр.

Кораллы Көчләр резервына кандидат булырга теләүчеләр өчен билгеле бер таләпләр һәм документлар бирү кагыйдәләре билгеләнгән.

Яшь чикләүләре:

- Прапорщиклар, сержантлар һәм солдатлар өчен – 52 яшькә кадәр,

- кече офицерлар – 57 яшькә кадәр,

- өлкән офицерлар – 62 яшькә кадәр.

Сәламәтлек:

- Хәрби хезмәткә яраклылык категорияләре – А категориясе (“яраклы”) яки Б категориясе (“зур булмаган чикләүләр белән яраклы”).

Һөнәри-психологик сайлап алу:

- Профессиональ психологик сайлап алу узарга һәм сайланган белгечлек буенча яраклылыкның беренче өч категориясенең берсен алырга кирәк.

Белеме:

- Кандидатның минималь белеме төп гомум белем дәрәҗәсенә (кимендә 9 сыйныф) туры килергә тиеш.

Гражданинны резервка алудан баш тарталар, әгәр ул:

- Иректән мәхрүм итү урыннарында җәза үтәгән булса.

- Наркотиклар яки психотроп препаратлар кулланган өчен административ җәзага тартылган.

- Гамәлдән чыгарылмаган хөкем ителүе бар, тикшерү яки җинаять эзәрлекләве астында.

Резервка керү өчен тапшырыла торган документлар исемлеге белән РФ Оборона министрлыгының рәсми порталында танышырга мөмкин.