Башкортстанда яшәүчеләрне алты көнлек эш атнасы көтә

Киләсе атнада гражданнар алты көн эшләячәк — 27 октябрьдән алып 1 ноябрьгә кадәр. Мондый график Халыклар бердәмлеге көне уңаеннан, ял көннәрен шимбәдән, 1 ноябрьдән — дүшәмбегә, 3 ноябрьгә күчерү белән бәйле.

Ноябрь башында республика халкын бик нык кыска, өч көнлек эш атнасы да көтә. 3 һәм 4 ноябрьдә (дүшәмбе һәм сишәмбе) ял итәчәкбез, ә 5-7 ноябрьдә (чәршәмбедән җомгага кадәр) эшләргә туры киләчәк. 4 ноябрьдә исә Халыклар бердәмлеге көне билгеләп үтелә, ә өстәмә ял көне 3 ноябрьдә 1 ноябрь (шимбә) күчерелү нәтиҗәсендә барлыкка килгән.

«Башинформ» буенча Юлай НИЗАЕВ әзерләде.