Уфада БПЛА һөҗүменнән соң зарарлы матдәләрнең артуы ачыкланмады

Уфа сәнәгать зонасында Уфа предприятиесенә БПЛА һөҗүменнән соң зарарлы матдәләрнең рөхсәт ителгән концентрациясе артуы ачыкланмаган. «Башинформа»га вакыйга урыныннан хәбәр итүләренчә, урында мобиль лаборатория эшли. Белгечләр үлчәүләр вакытында һавада зарарлы матдәләр күләменең артуын ачыкламаган.

Башкортстан Экология министрлыгы белгечләре, ведомствоның аналитик хезмәте белән берлектә, күчмә экология лабораториясен кулланып, Уфа шәһәрендә атмосфера һавасының сыйфатына мониторинг үткәрделәр.

Әлеге ситуациясене Башкортстанның Экология министры Нияз Фазылов шәрехләде.

«Һава пробалары түбәндәге пычраткычларга бүленде: күкерт водороды, күкерт диоксиды, углерод оксиды, азот оксиды һәм азот диоксиды. 1 нче сайлап алу ноктасы Уфада Ульяновлар ур., 74 адресы буенча урнашкан иде. Пробаларны 20.00 сәгатьтә алдылар. Параллель рәвештә шәһәрнең торак районнарында урнашкан автоматлаштырылган контроль станцияләрендә тәүлек буе һава сыйфаты мониторингы алып барыла. Үткәрелгән мониторинг нәтиҗәләре буенча атмосфера һавасында пычраткыч матдәләрнең рөхсәт ителә торган концентрациясе арту ачыкланмады», — диде Нияз Фазылов.

Исегезгә төшерәбез, элегрәк Радий Хәбиров Уфада самолет тибындагы берничә БПЛА һөҗүме турында хәбәр иткән иде. Башкортстан Башлыгы билгеләп үткәнчә, урында хокук саклау органнары, предприятие җитәкчелеге һәм республика экология министрлыгы вәкилләре эшли.

«Башинформ» буенча Юлай НИЗАЕВ әзерләде.