Янгын кисәтү чарасы тапшырылачак

Башкортстанда янгын хәбәрчеләре (извещательләр) ташламалы15 категория кешегә бирелә. Бу хакта республика премьер-министры Андрей Назаров хөкүмәтнең күптән түгел узган утырышларының берсендә әйтте. Гадәттән тыш хәлләр буенча республика дәүләт комитеты тәкъдиме буенча аларга тагын бер категория — СВОда катнашучыларның гаиләләрен өстәргә карар кылынды.

Әлегә кадәр янгын хәбәрчесен алу хокукы махсус хәрби операциядә катнашучыларның үзләре генә булган, ә хәрбиләрнең гаиләләре льготачылар санына кермәгән. Моңа бәйле рәвештә дәүләт комитеты «махсус хәрби операциядә катнашучыларның гаиләләре»н яңа ташламалы категория кертү турында карар проектын эшләде.

- Бу Ватанны саклаучылар елы һәм СВО катнашучыларга һәм аларның гаилә әгъзаларына ярдәм итү елы чараларын гамәлгә ашыруның бер өлеше булачак, дип билгеләп үтә төбәк хөкүмәтләренең матбугат хезмәте.

Программа гамәлдә булган чорда республика халкына бушлай 665 мең янгын сүндерү мини-сиренасы бирелгән, алар 1,2 меңнән артык кешене коткарган.

Фото: гадәттән тыш хәлләр буенча БР дәүләт комитеты