“Уфа” аэропорты үз югарылыгында

Үсеш дәвам итә.

Русия Президенты Владимир Путин «Уфа» халыкара аэропорты коллективына ирешкән уңышлары һәм һөнәри эшчәнлекләрендә югары күрсәткечләре өчен рәхмәт белдерде.

Указ хокукый мәгълүматның рәсми интернет-порталында бастырылган. 2023 елда авиагавань эшенең төп күрсәткече предприятие тарихында рекордлы булды. «Уфа» аэропорты 4 794 786 пассажирга хезмәт күрсәтте. 2024 ел нәтиҗәләре буенча да пассажирлар агымының югары нәтиҗәләре сакланып калган. Маршрут челтәре 65 юнәлешне үз эченә ала, шул исәптән 40 тан артык төбәк үзәкләрен туры очышлар белән тоташтыру буенча ил Президенты йөкләмәсен үтәү кысаларында Русия шәһәрләренә юлламалар.

«Уфа» аэропорты терминаллары масштаблы модернизациядән соң пассажирларга һәм авиакомпанияләргә хезмәт күрсәтүнең дөнья стандартларына җавап бирә. Аэровокзал комплексының гомуми мәйданы 55 мең кв.м тәшкил итә.

2024 елда вокзал яны мәйданында эчке һәм халыкара авиалинияләр терминалларын бердәм архитектура концепциясенә тоташтыручы түбә файдалануга тапшырылды.

 «Уфа» халыкара аэропортының төп һәм бердәнбер акционеры-Башкортстан Республикасы. Төбәк Башлыгы Радий Фәрит улы Хәбировның һәм республика җитәкчелегенең актив ярдәме белән предприятие үсеше дәвам итә. Хәзер аэропортта 1,5 меңнән артык кеше эшли, алар төп һөнәри эшчәнлекләреннән тыш махсус хәрби операциядә катнашучыларга ярдәм итү мәсьәләләре белән актив шөгыльләнә. Предприятие базасында ирекмәннәр үзәге булдырылган, хезмәткәрләр акча җыялар, маскировка челтәрләре, шлемниклар, урын-җир әйберләре һәм гуманитар йөкләр формалаштыру өчен башка әйберләр тегәләр.