Мошенникларга алданмаска да мөмкин бит

Уяулыгы ярдәм иткән.

Уфалы ханым телефон мошенникларының корбаны була язган. Үзенең уяулыгы һәм хәбәрдарлыгы аркасында гына ул үз акчаларын саклап кала алды.

Бу вакыйга турында Башкортстан Республикасы буенча Эчке эшләр министрлыгы матбугат хезмәтендә хәбәр иттеләр.  76 яшьлек хатынга “Чаллыдан элеккеге коллегасы " шалтыраткан. Әңгәмәдәш оешмада шәхси мәгълүматлар таралуы турында сөйли һәм аңа әлеге проблема буенча шалтыратучыларның күрсәтмәләрен үтәргә киңәш итә. Тиздән хатынга ФСБның ялган хезмәткәрләре шалтыраткан, алар аны 1,5 млн сум күләмендә шәхси тупланмаларын куркынычсыз счетка күчерергә күндерергә тырышканнар, имеш. Ләкин уфалы ханымны әңгәмәдәше белән сөйләшкәндә тупас тон сагайта. Ул аларның аферистлар булуын шундук аңлый һәм полициягә мөрәҗәгать итә.

 "Билгесез номерлардан шалтыратуларга игътибарлы булыгыз. Смс-кодларны беркемгә дә хәбәр итмәгез.

Әгәр сезгә банк хезмәткәреннән шалтырату кергән икән, трубканы куегыз һәм банкның кайнар линиясенә шалтыратыгыз», — дип кисәтәләр ведомствода.

Фото:pdf.rbsmi.ru