Ирек Зарипов: “Спорт чаралары – безнең төбәк өчен зур плюс”

Дүрт тапкыр Паралимпиада уеннары чемпионы, Русия спорт мастеры, “Ватанны саклаучылар” дәүләт фондының Башкортстандагы филиалы директоры урынбасары Ирек Зарипов Уфа шәһәрендә ачылган “Без бергә. Спорт” бөтенрусия кышкы спартакиада ачылу уңаеннан үз фикерен белдерде.

Ул безнең республика – сәламәтлекләре чикләнгән спортчыларның спортын үсетрү белән шөгыльләнә башлаган беренче төбәк, ди. Чаңгы ярышлары, биатлон, йөзү, өстәл һәм зур теннис, парафехтование, уктан ату, җиңел атлетика... Алардан тыш утырып волейбол уйнау, тау чаңгылары, велоспорт та үсешә башлады. Парабокс ( коляскада утырып бокс) һәм паравелоспорт дигән спорт төрләре килеп чыкты.

Әлбәттә, проблемаларсыз да булмый. Беренче чиратта – тренерлар составын көчәйтү кирәк.

“Спартакиадада без алтын һәм көмеш медальләр генә көтәбез. Әмма конкуренцияне әле беркем дә инкарь итмәде. Безнең спортчылар көчле, ярышлар булачак. Бу ярышларда безнең  Башкортстан данын җиде спортчы яклый. Мин аларга ышанам, аларның барсы да килеп чыгачак”, - ди Паралимпиада чемпионы. Чит төбәкләрдән килгән спортчылар бездәге заманча спорт базаларын күрәләр, бу безнең республиканы популярлаштырырга зур этәргеч булып тора.

Ирек Зарипов “Ватанны саклаучылар” дәүләт фондының Башкортстандагы филиалы директоры урынбасары вазыйфасын биләүче буларак, махсус хәрби операциядә катнашып кайтучылар арасындагы адаптив спортны алып бара. Алар 12-18 мартта Ханты-Мансий шәһәрендә үтәчәк “Ватанны саклаучылар” беренче кышкы кубогына үткән ярышларда катнашачак. Команда формалашкан.ю әлеге вакытта әзерлек бара. МХО ветераннары-спортчылар спортның дүрт төрендә: чаңгы ярышларында, биатлонда, сноуборд һәм тау чаңгысы буенча ярышачак. Бу спорт ярышында Русиянең 36 төбәгеннән 200ләп кеше катнашуы көтелә.

Фото: Ирек Зариповның В контакте битеннән.

Чыганак:  https://resbash.ru/news/sport/2025-02-07/irek-zaripov-sportivnye-meropriyatiya-bolshoy-plyus-dlya-regiona-4111951