Яугирләр - төп игътибар үзәгендә

Башкортстан Республикасы Башлыгы Радий Хәбировтан туры бәйләнеш вакытында әлеге вакытта Луганск юнәлешендә хезмәттә булган “Сват” позывнойлы яугир дроннар эшләү перспективалары турында сорады. “Безгә тепловизорлы һәм төнге камералы пилотсыз очу аппаратлары кирәк”, - диде яугир.

Радий Фәрит улы әйтүенчә, соңгы ярты елда республикада сыйфатлы дроннар җыярга өйрәнделәр. Алар нәтиҗәле, әйбәт идарә итеп була, двигательләре дә Башкортстанда эшләнә.

• Республикадан ай саен фронтның алгы сызыгына 500 пилотсыз очу аппаратлары озатыла, - диде ул. – Аларны шәйморатовчылар, доставаловчылар һәм “Башкортстан” полкы яугирләре ала. Бу эшне дәвам итәчәкбез. Сугыш һәрвакыт технологияләрне алга барырга этәрә, пилотсыз очу аппаратлары киләчәктә безнең тормышның да бер өлешенә әйләнәчәк.

Радий Хәбиров сәнәгать министры вазифаларын башкаручы Александр Шельдяевка яугирләрдән дроннарны тагын нәрсәләр белән җиһазландырырга кирәклеген сорарга кушты.

Эксперт фикере

Алик Камалетдинов, Башкортстан Республикасы Башлыгының яугирләр белән бәйләнеш мәсьәләләре буенча киңәшчесе:

• Безнең яугирләр фронтның алгы сызыгында да республика җитәкчесе алар өчен бөтен ярдәмне эшләргә әзер булуын белеп торалар. Кирәкле әйберләр белән гуманитар йөкләр даими озатыла, яугирләрнең гаиләләрен хуплау чаралары эшли. Республика, аерым алганда Радий Хәбировның кәефе яугирләрнең кәефендә чагыла.