Башкортстанга 505 миллион сум акча бүлгәннәр

Башкортстан Республикасында урып-җыю эшләре дәвам итә. Аларны үткәрү өчен төп акча чыганагы булып ташламалы кредитлау кала. 2024 елда төбәк аграрийларына кыр эшләренә 10,3 млрд сумнан артык кыска сроклы ташламалы кредитлар бирелде. – Ел башыннан республикада кыска сроклы ташламалы кредитлау механизмын гамәлгә ашыруга федераль бюджеттан 505,5 млн сум субсидия бүлеп бирелде,-ди БР Хөкүмәте Премьер – министры урынбасары вазыйфаларын башкаручы-авыл хуҗалыгы министры Илшат Фазрахманов. – Бу чорда Русия Федерациясе Авыл хуҗалыгы министрлыгы Башкортостан Республикасы аграрийларына 11,8 млрд сумлык кыска сроклы ташламалы кредитларга 363 гариза бирде. Русия Федерациясе Авыл хуҗалыгы министрлыгы мәгълүматлары буенча, 2024 елның 8 аенда төп банклар тарафыннан сезонлы кыр эшләрен башкаруга бирелгән кредит акчаларының гомуми күләме 873 млрд сум тәшкил иткән. Бу узган елның шул ук чоры күрсәткеченнән 16% ка югарырак. Аерым алганда, Россельхозбанк бу максатларга кредитлар күләмен 14% ка 585 млрд сумга кадәр арттырган, Саклык банкы – 20% ка 288 млрд сумга кадәр.

Белешмә

: Ташламалы кредитлау программасы АПК оешмалары тарафыннан 1 елга кадәр киметелгән процент ставкасы буенча – 7,7 дән 11,5% ка кадәр кредит алуны күздә тота, ә аны компенсацияләүгә дәүләттән субсидияләр турыдан-туры банкларга җибәрелә.

Чыганак: pravitelstvorb.ru/