Иң мөһим темалар каралды

29 майда Мәскәүдә Башкортстан башлыгы Радий Хәбиров Русия Президенты каршындагы Стратегик үсеш һәм милли проектлар буенча Советның һәм илнең социаль-икътисади үсеше юнәлешләре буенча Дәүләт Советы комиссияләренең киңәйтелгән утырышында катнашты. Аны дәүләт Башлыгы Владимир Путин үткәрде. Фикер алышуның төп темасы – 2030 елга кадәрге чорга һәм 2036 елга кадәрге перспективага Русия Федерациясен үстерүнең милли максатлары турындагы указ нигезләмәләрен гамәлгә ашыру.

– Бу, беренче чиратта, без сезнең белән даими сөйләп торган темалар - халыкны саклау, сәламәтлеген ныгыту һәм гаиләләренең иминлеген кайгырту, һәр кеше үз сәләтләрен мөмкин кадәр күбрәк ача алсын өчен яңа мөмкинлекләр булдыру; бу яшәү өчен уңайлы һәм хәвефсез мохит булдыру, шәһәрләрдә һәм авылларда экологик хәлне яхшырту, – диде Владимир Путин утырышта.