Яхшылык тарат!

Яхшылык кылып шатлан!

Һәрбер кешенең җаны башка кешегә яхшылык эшләгәндә шатлана.

“25 гыйнвар көнне «Атайсал» мәдәни үзәгендә Башкортстан Республикасы татарлары конгрессы «Әйләнәңдә яхшылык тарат!» исемле хәйрия концерты үткәрде. Концертта Лилия Мөхәммәдиева җитәкчелегендәге «Йолдыз юлы» балалар бию студиясе катнашты һәм балалар филармониясенең «Бәхет» вокаль студиясе катнашты һәм күркәм чыгыш ясады.

Чараны Башкортстан Республикасының атказанган артисты Хәсән Усманов бизәде, шулай ук «Нәүруз» фольклор ансамбле һәм «Ялкын» төркеме аңа милли колорит өстәде.

Күргәзмә-сату оештырылып, барлык тамашачыларны һәм катнашучыларны чәй белән сыйладылар. Кергән акчалар СВОда катнашучыларга ярдәм итү өчен китәчәк.

Башкортстан Республикасы татарлары конгрессы Башкарма комитеты рәисе, Дәүләт Җыелышы-Корылтай депутаты Заһир Әхсән улы Хәкимов, Башкортстан Республикасы халык фронты штабы җитәкчесе Брыкин Виталий Федорович сәламләү сүзе белән чыгыш ясап, оештыручыларны бүләкләделәр.

Чарада шулай ук Башкортстан Республикасы Дуслык Йорты директоры Эльмира Саматова һәм «Уфа шәһәре хатын-кызлар Берлеге» иҗтимагый оешмасы рәисе Римма Мигранова катнашты.

Концерт программасы милли бердәмлеккә, ватанпәрвәрлек һәм, әлбәттә, яхшылыкка багышланган иде. Рухи бердәмлек идеяләрен формалаштыру һәм тарату, Ватанга мәхәббәт һәм илсөярлек тәрбияләү һәр кешенең максаты. Балаларны башкаларга карата хөрмәтле, кызганучан, үз эшләре өчен җаваплы булырга өйрәтү мөһим. Игелекле, ярдәмчел һәм гармонияле кешене тәрбияләүнең нәтиҗәле ысулларының берсе — балаларның хәйрия эшләрендә катнашуы. Бу чарада алар чыгышлары белән бәйрәмне күтәрде. Балалар сугышчыларга хатлар яздылар. Әйе, игелекле эш өчен бүләк - аның үз эшендә.

Концерт тәмамланганнан соң барлык катнашучылар һәм тамашачылар «Әйләнәңдә яхшылык тарат!» флешмобында катнаштылар.». Заһир Хәкимов әйткәнчә: "Без яхшылыкны күреп, аны чын мәгънәсендә кадерли алабыз. Үз вакытын кызганмыйча, үз эшләрен читкә куеп хәйрия концертына килгән, яхшылык эшләргә ашыккан һәр кешегә рәхмәт!» Шулай ук барлык оештыручыларга, Мәдәният министрлыгына, Республика халык иҗат үзәгенә, «Атайсал» мәдәни үзәккә,  «Ялкын» төркеменә, чараны алып баручы Альбина Якупова һәм Гөлсинә Мөхәмәдиевага, концерт программасына җаваплы Лилия Мөхәмәдиевага зур рәхмәт!”– дип яза Зәлия Хисамиева.