Кемгә җир биргәннәр?

Башкортстан Республикасы Җир һәм мөлкәт мөнәсәбәтләре министрлыгы «Рассвет» ҖЧҖ агросәнәгать компаниясенә ташламалы шартларда 5614 гектар җир участогы биргән. Бизнеска һәм халыкка ярдәм итүнең әлеге чарасы 2022 елда РФ Хөкүмәте тарафыннан чикләү чараларын кертүнең икътисади нәтиҗәләрен йомшарту өчен законлаштырылган. «Рассвет» ҖЧҖ бөртекле һәм техник культуралар орлыклары үстерү проектын әзерләгән. Ун ел дәвамында әлеге инициативаны гамәлгә ашыруга 32 млн сумнан артык акча кертү планлаштырыла. - Инициативаны тормышка ашыру кысаларында бөртекле һәм техник культуралар орлыклары җитештерү планлаштырыла. Проектка инвестицияләрнең игълан ителгән күләме 32,1 млн сум тирәсе тәшкил итәчәк. Җир участогын арендалау вакыты 2023 елдан 2033 елга кадәр. Бу вакыт эчендә проектны гамәлгә ашыру производствода 200 яңа эш урыны булдырачак, – ди Башкортстан Республикасы Җир һәм мөлкәт мөнәсәбәтләре министры Наталья Полянская. Әлеге проектны гамәлгә ашыру үсемлекчелек тармагының тотрыклы үсешен һәм Башкортстан Республикасы агросәнәгать комплексының инвестицион җәлеп итүчәнлеген тәэмин итүгә юнәлдерелгән.

Чыганак: правительстворб.ру