Бизнесны алга таба үстерү юллары каралачак

XVI "Халыкара бизнес атналыгы-2023" кысаларында бизнесны алга таба үстерү буенча фикер алышу булачак. Бу хакта программа конференциясендә Башкортстан Премьер-министры Андрей Назаров хәбәр итте. Министрлар кабинеты башлыгы федераль Хөкүмәтнең атна саен бизнес эшчәнлеген яхшыртуга бәйле яңалыклар кертеп торуын әйтте.

- Шунысын билгеләп үтәсем килә: нәтиҗәлелек артты. Бу санкцион басымны җиңәргә булышачак. Чара кысаларында безнең уртак эшебез киләчәккә күз салырга мөмкинлек бирәчәк. Бу үз бизнесын ышанычлы үстерү, шул исәптән икътисадны үстерү һәм регионнарга, аерым алганда Башкортстанга, инвестицияләр җәлеп итү өчен кирәк, - диде Андрей Назаров.

Андрей Назаров форум кырында Русия бизнесын үстерү мәсьәләләре каралачагын әйтте. Билгеләнгән каршылыкларны киметү юлларының бер юлы - бюрократик йөкләнешне киметү.