Башкортстанда үзмәшгульләр саны 1,6 тапкырга арткан

• 2023 елның 1 мартына аларның саны 125,5 мең кеше тәшкил итте. – дип хәбәр итте Башкортстан Республикасының финанс министры Лира Игтисамова. – Бу – республикадагы алып барылган сәясәт, салымны гадиләштерелгән түләү механизмын куллану белән бәйле.

2022 елда республика казнасына алардан 288,4 миллион сум салым кергән. 2021 ел белән чагыштырганда, 120,6 миллион сумга күбрәк. Русиядә без бу уңайдан – 14, Идел буе федераль лкругында 4 нче урынны билибез.

Салым инспекциясе биргән мәглүматларга караганда, Башкортстанда күпчелек үзмәшгульләр пассажирлар ташу, үзләре ясаган продукцияне сату, төзелеш, реклама, чәчтараш хезмәте күрсәтү белән шөгыльләнә.

Шулай ук, үзмәшгульләргә РФ Президенты Владимир Путинның май указларына ярашлы кабул ителгән “Кече һәм урта эшкуарлыкка ярдәм итү” милли проекты кысаларында уңайлы шартлар тудыру төбәк проекты да ярдәм итә. Бу проектны гамәлгә ашыруга 2022 елда 20,4 миллион сум бүленгән булган.

• Бүген үзмәшгульләргә дәүләтнең бөтен ярдәме дә бирелә: муниципаль милекне ташламалы хакка арендалау, ташламалы кредитлар алу, бизнесларын үстерү өчен грантлар һәм субсидияләр алу мөмкинлеге бар. Моның өчен “Минем бизнес” исемле үзәккә мөрҗәгать итәргә кирәк, - ди Башкортстан Республикасының эшкуарлык һәм туризм министры Рөстәм Афзалов.

 Исегезгә төшерәбез, махсус салым режимына физик затлар, шулай ук ялланган эшчеләрсез эшчәнлек алып барырга ниятләгән шәхси эшмәкәрләр күчә ала.

НПД түләүче статусын балигъ булган гражданнар гына түгел, ә 16 яшь тулган кешеләр дә алала. Ата-аналар рөхсәте белән яки тулы эшкә сәләтлелек алгач, 14 яшьтә дә үзмәшгуль булырга мөмкин.

Үзмәшгуль статусын:

- «Минем салым» мобиль кушымтасы;

– ФНС сайтында үзмәшгульнең шәхси кабинеты;

- банкларның берсенең мобиль кушымтасы. Исемлек ФНС сайтында бар;

– дәүләт хезмәтләре порталында алырга мөмкин.

Чыганак: pravitelstvorb.ru