Халыкны ни борчый?

2023 елның 13-19 февралендә бер атна эчендә Башкортстан Республикасы белән идарә итү үзәгенең «Инцидент менеджмент» мәгълүмат системалары һәм «Дәүләт хезмәтләре. Бергәләп хәл итәбез» платформасында 4 301 мөрәҗәгать теркәлгән. Үткән атна белән чагыштырганда 302 мөрәҗәгатькә күбрәк килгән. Бу хакта Башкортстан башлыгының социаль коммуникацияләр буенча идарә начальнигы урынбасары Дмитрий Черенков атналык оператив киңәшмәдә хәбәр итте, аны төбәк җитәкчесе Радий Хәбиров алып барды. Узган атнада топ-3 хәбәрдә торак-коммуналь хуҗалык (605), төзекләндерү (482) һәм юллар (460 мөрәҗәгать) мәсьәләләре булган. Халыкның ТКХ темасы буенча иң актуаль сораулары җылылык өчен түләүгә, идарәче компанияләр эшенә, күпфатирлы йортларны карап тотуга кагыла. Башкортстанда яшәүчеләрне шулай ук юлларда һәм тротуарларда, ишегалларында кар һәм боз җыештыру да борчый. Республика шәһәрләрендә һәм авылларында икенчел урамнарны чистартуны, шулай ук муниципаль әһәмияттәге юллардан карны чистартуны дәвам итәләр. Моннан тыш, былтыр җылыну сәбәпле, Башкортстан ЦУР информсистемалары юлларны (19) һәм күперләрне (34) ремонтлау буенча мөрәҗәгатьләрне теркәгән.