Гимназистлар - кечкенә ватанпәрвәрләр.

15нче февраль - интернационал бурыч үтәгән яугирләрне искә алу көне.

БүгенУфа шәһәренең 84нче татар гимназиясендә шушы истәлекле датага багышланган чара үтте. Укучылар белән очрашуга " Башкортстан хәрби хәрәкәтләр ветераннары берлеге" Рәисе, Әфган һәм Чечняда хәрби бәрелешләрдә катнашкан Тимерҗан Рәҗәп улы Рәҗәпов катнашты. Ул Совет солдатларының кыюлыгы турында сөйләде.

Шунда ук солдат җыры фестивале үтте. Анда 2нче сыйныф укучылары катнашты.  

Чара ахырында гимназия директоры барысын да якынлашып килүче бәйрәм - Ватан сакчылары көне белән тәбрикләде.