Буран аркасында тагын бер трасса ябылды

Башкортстанда, Уфа-Инҗәр-Белорецк юлында пассажир автобуслары, маршрутлы таксилар һәм йөк машиналары өчен хәрәкәт чикләүләре кертелде. Хәрәкәтне чикләү 67-дән 205-нче километрга кадәр билгеләнде. Ул начар һава торышы, кар бураннары, бозлавык һәм күрү мөмкинлеге чикләнү аркасында кертелде.

Чикләүләр 6 гыйнварның 18 сәгатеннән 7 гыйнварның иртәнге 8 сәгатенә кадәр гамәлдә булачак. Әгәр дә һава торышы яхшырмаса, чикләү вакыты озайтылачак.

"Башкортстан дәүләт юл инспекциясе сак булырга, тизлек чикләрен сакларга һәм оптималь һава торышы башланганчы ерак араларга бармаска куша", - дип киңәш итә идарә начальнигы Владимир Севастьянов.

Исегезгә төшерәбезз, чикләүләр  Башкортстан белән Чиләбе өлкәсе чигендә дә кертелде. Шушы ике трассага чыга күрмәгез!

Чыганак:ufa1.ru

Фото:ufa1.ru