Эшләгән кешегә эш җитәрлек!

   Башкортстанда  һәр эш эзләүче кешегә икешәр вакансия туры килә икән.

   27 июньгә алынган мәгълүматларга караганда, республиканың мәшгульлек үзәкләрендә бүген 21349 кеше исәптә тора. Шул ук вакытта вакантлы эш урыннары ике тапкырга күбрәк – 46705. Мәшгульлек үзәкләре актуаль вакансияләр базасын даими тулыландырып торалар. Иң популяр вакансияләр – водительләр, слесарьләр, сатучылар, инженерлар һәм кухня хезмәткәрләре.