Башкортстанда сәламәтлек саклау министры алышынды

Башкортстанда яңа сәламәтлек саклау министры билгеләнде. Хәзер бу вазифаны 18нче санлы шәһәр клиник дәваханәсенең баш табибы Айрат Рәхмәтуллин башкарачак.

Ә Башкортстанның элеккеге сәламәтлек саклау министры Максим Забелин хәзер Башкортстан башлыгы хакимияте җитәкчесе.

Айрат Рәхмәтуллин - табиб-невролог, медицина фәннәре кандидаты. Аңа 35 яшь. Уфа хастаханәсенә эшкә килгәнче Дүртөйле районы дәваханәсен җитәкләгән.