Чәчүгә төштеләр

2022 елның 22 апрелендә Башкорт аграрийлары чәчү кампаниясенә керештеләр. Язгы кыр эшләрен республиканың 44 районында башладылар. 15 муниципалитетта иртә бөртекле культуралар чәчүгә, ә тугыз районда көнбагыш чәчүгә керештеләр. Хуҗалыклар 14 мең гектардан артык солы, арпа, бодай, борчак, көнбагыш һәм шикәр чөгендере чәчкәннәр. Аграрийлар 285 мең гектар мәйданда дым каплатуны, уҗымнарны тукландыруны, күпьеллык үләннәрне тырмалауны башкаралар.

"Тулаем республика бөртекле культуралар орлыгы белән 100 процентка тәэмин ителгән. Аграрийлар минераль ашламалар һәм үсемлекләрне саклау чаралары белән тәэмин ителгән, запас булдырылган", - дип билгеләп үтте Башкортстан Хөкүмәте премьер-министры урынбасары – авыл хуҗалыгы министры Илшат Фәйзрахманов.

Республика авыл хуҗалыгы министрлыгы мәгълүматларына караганда, бөртекле ашлык мәйданы 1 млн 720 мең гектар булыр дип көтелә. Каты сортлы бодай, көнбагыш һәм шикәр чөгендере чәчү мәйданнары үсәчәк.

Чәчү кампаниясе өчен төбәктә бөтен кирәкле техника әзерләнгән. 9 меңгә якын трактор техник карау узган, бу планның 75 проценты. Техника паркын тулыландыру хисабына басуларга 2021 елга караганда 150 тракторга күбрәк чыгачак. Туфрак эшкәртү агрегатлары саны 170 берәмлеккә, ә чәчү комплекслары саны 140 берәмлеккә арткан. 2022 елның беренче кварталында аграрийлар 1,9 млрд. сумлык 585 берәмлек авыл хуҗалыгы техникасы сатып алган.

"2022 елгы язгы кыр эшләрендә чәчүгә туфрак 10 мең 850 трактор агрегаты әзерләнәчәк. Кимендә 5 мең агрегат (+141 берәмлек 2021 елга) авыл хуҗалыгы культураларын чәчү белән мәшгуль булачак", - дип билгеләп үтте Илшат Фәйзрахманов.

Чәчү кампаниясе башланыр алдыннан Русия Хөкүмәте аграрийларга ярдәм итүне киңәйтте. Федераль бюджеттан бөртеклеләрне җитештерүчеләргә 10 млрд. сум бүлеп бирелгән. Кризиска каршы күрелгән чаралар пакеты ярдәмендә республикада язгы кыр эшләренә федераль һәм республика бюджетларыннан 2 млрд 634 млн сум акча юнәлдереләчәк. Бу узган ел белән чагыштырганда 500 млн сумга күбрәк.

"Бу карарларның һәрберсе илнең азык-төлек иминлеген тәэмин итү өчен зур әһәмияткә ия. Кешеләргә иң киң сайлап алу мөмкинлеге булсын өчен, илебезнең иң сыйфатлы продуктларын сайлап алырга мөмкин",-диде Премьер-министр Михаил Мишустин Хөкүмәт утырышында.

Чыганак: