Табиблар Донецкидан кайтты

Чираттагы төркем кайчан юлга чыга?

«Бердәм Русия» партиясенең Башкортстан төбәк бүлегендә күптән тугел Донецкидан кайткан табиблар белән очрашу үтте. Башкортстан Республикасы Хөкүмәте Премьер-министры урынбасары, сәламәтлек саклау министры, ЛНР һәм ДНР халкын эвакуацияләү буенча оператив штаб җитәкчесе Максим Забелин медикларга рәхмәт әйтте.

«Бүген ДНР һәм ЛНРга хирургия һәм травматология белгечләрен җибәрергә тырышабыз. Күп табиблар Донбасстагы табибларга ярдәм итәргә теләк белдерде. Бу - урта медицина персоналы да, фельдшерлар да, терапевтлар да, педиатрлар да, — дип билгеләде Максим Забелин.

— Безнең табиблар чираттагы такыр үзләрен көчле рухлы кешеләр буларак күрсәтте. Сезнең үрнәгегезнең никадәр мөһим һәм кешелекле булуын билгеләп үтәсе килә. Сез — иң катлаулы шартларда бурычыгызны үтәргә әзер кешеләр. Сезгә авыр очраклар белән очрашырга туры килүен яхшы аңлыйбыз". Максим Забелин тиздән Донбасска барачак медикларга ныклык теләде.

Чираттагы төркемне апрельдә җибәрү планлаштырыла. Куватов исемендәге Республика клиник дәваханәсенең бүлек мөдире, табиб-нейрохирург Алексей Антонов Донецк дәваханәсендә эш тәҗрибәсе белән уртаклашты. Донецкта медикларга ярдәм итәргә теләүчеләр арасында Куватов исемендәге Республика клиник дәваханәсенең анестезиолог-реаниматологы Лидия Ахунова да бар иде.

«Медикларны махсус хәрби операция уза торган төбәккә җибәрергә җыенуларын белгәч, мин Донбасстагы хезмәттәшләребезгә ярдәм күрсәтү өчен инициатива күрсәттем, - дип сөйләде Лидия.

- Донецк дәваханәсендә без әлеге учреждениенең табиблар бригадасы белән бергә эшләдек, катлаулы операцияләр ясадык".

ДНРда эш тәҗрибәсе белән, шулай ук, республика табиблык-физкультура диспансерының баш табибы, йөрәк-кан тамырлары хирургы Руслан Гәрәев та уртаклашты.

Башка табиблар да чит төбәктәге эш тәҗрибәсе турында сөйләде.