“Хатын-кыз бәхете территориясе”

Бүген БСТдның шул исем астында үткән бәйрәм марафонына килүче кунаклар республика хатын-кызларын бәйрәм белән тәбрикләде.

   8нче Март - Халыкара хатын-кызлар көне алдыннан үткән бу тапшыруда республикада билгеле кешеләр катнашты һәм үзләренең изге теләкләрен, киңәшләрен җиткерде.

   Гаилә, бәхет, мәхәббәт, гаилә мөнәсәбәтләрен ныгыту кебек актуаль темалар 3 сәгать буена дәвам иткән марафонның буеннан-буена яктыртылып барды. Тамашачыларны анда тәкъдим ителгән сәламәтлек һәм гүзәллек, мәдәният һәи иҗат, шулай ук ир-егетләрнең кайсыбер актуаль мәсьәләләргә анык карашы темасы  үзенә тартты.