Чүп чыгарган өчен хакны янә арттырдылар

2022 елның 1 гыйнварыннан Уфада каты көнкүреш калдыкларын чыгаруга яңа тарифлар кертелә.

     Күп катлы йортларда яшәүче уфалылар өчен чүп-чар чыгарган өчен айлык түләү 75 сумнан 80 сумга кадәр артачак, ә шәхси секторда яшәүчеләр 81 сум 26 тиен түләячәк.

       Бәяләр арту моның белән генә туктамаячак: 1 июльдән тагын арту көтелә.

      2019 елда Русиядә “чүп-чар” реформасы башланыр алдыннан Башкортстанда коммуналь калдыкларны чыгару өчен түләү Идел буе федераль округында иң түбән дәрәҗәдә билгеләнгән иде. Иң башта шундый бурыч куелды – башта  чүп-чарны сыйфатлы итеп чыгарырга өйрәнү һәм аннан соң гына бу хезмәт өчен түләүне  нормативларга кадәр арттыру.