Рөстәм – Иҗтимагый палатада!

Президент якташыбызга җаваплылык йөкләтте.

Владимир Путин РФ Иҗтимагый палатасының яңа әгъзаларын раслаган указга кул куйды.

Бу кандидатлар арасында якташыбыз, Чакмагыш районы вәкиле, татар ир-егете  Рөстәм Нәбиев та бар.

Омск шәһәрендә казарма җимерелеп, шул тәмугьтан соң да исән калган, ике яагын югалтса да, җирдә күпләрдән ышанычлырак басып торучы  бу егетебез үзенең максатчанлыгын күрсәтте инде.

Рөстәм Нәбиевның РФ Иҗтимагый палата составына кертелүе турында   Башкортстан Иҗтимагый палатасының аппарат җитәкчесе Шамил Вәлиев та хәбәр итте.

«Якташым, Чакмагыш егете Рөстәм Нәбиев Русия президенты указы белән РФ Иҗтимагый палатасы составына кертелде», — дип язган ул Facebookта.